Қабул-2020:​ Тошкент ислом институтига кириш имтиҳонлари қайси фанлардан ўтказилиши аниқ бўлди

Ўзбекистон мусулмонлари идораси олий ва ўрта махсус ислом таълим муассасаларида 2020-2021 ўқув йили бўйича қайси фанлардан қабул имтиҳонлари ўтказилишини маълум қилди.

🔸Тошкент ислом институти ва Мир Араб Олий мадрасаси бўйича:

– “Фиқҳ ва ақоид” (тест) 30 та савол, ҳар бир тўғри жавобга 3.1 балл берилади, жами 93 балл;
– “Араб тили” (ижодий имтиҳон) 63 балл;
– “Ўзбекистон тарихи” (тест) 30 та савол, ҳар бир тўғри жавобга 1.1 балл берилади, жами 33 балл.

🔸Ўрта махсус ислом таълим муассасалари бўйича:

– 1-блок “Чет тили” 30 та савол, ҳар бир тўғри жавобга 3.2 балл берилади, жами 96 балл;
– 2-блок “Тарих” 30 та савол, ҳар бир тўғри жавобга 3.1 балл берилади, жами 93 балл.
Қабул имтиҳонлари тест синови шаклида ўтказилади.

🔸Ҳадис илми мактаби бўйича:
– “Ҳадис ва Мусталаҳул ҳадис” (ижодий имтиҳон) 93 балл;
– “Араб тили” (ижодий имтиҳон) 63 балл;
– “Ўзбекистон тарихи” (тест) 30 та савол, ҳар бир тўғри жавобга 1.1 балл берилади, жами 33 балл.

Ўзбекистон мусулмонлари идораси матбуот хизмати